MIZUNO足球鞋開始晌足球市場興起，佢最出名莫非佢嘅人手made in japan袋鼠皮鞋，著嘅人就有Honda, 李華度，侯克等人。至於平底鞋，佢出名就係夠舒服，球感好。今次小編就同大家介紹下佢嘅室內鞋。
今日介紹嘅球鞋款式為MIZUNO SALA CLUB INDOOR第一代，製於印尼。皮為合成皮革，鞋身兩邊為尼龍網布，控球球感不差。球鞋有兩個亮點，一是鞋頭，有一塊凹凸面的皮革蓋著，估計有助腳內檔或腳趾尾「拉西」，其二是鞋底，除生膠的位置外，黑色的位置為軟膠製，感覺有助避震，令球賽跑動間感覺更舒適。外觀上紅色配黃色甚搶眼，但估計不到的更是這款球鞋的顏色選擇甚多，包括紫色配白色，深粉紅配黑色等等。
小編落場試過，佢係暫時一對唔洗經歷適應嘅石地鞋，踢第一場波，無論傳波，斬波同射波，球道都能與腦袋預計相差不遠。望住個波窩利射遠柱，個波就飛去遠柱，感覺暢快。此外，佢嘅避震係令人驚喜，無諗過塊無咩特別嘅黑色膠，可俾到小編咁舒服嘅踢球感覺。
相對其他牌子，以同樣的價錢相信質素已算上級，加上MIZUNO以亞洲人腳為製作基礎，大家唔洗擔心買大買小了的問題。
Search